Елның мөһим вакыйгасыннан җирлегебездә эшләп килүче территориаль иҗтимагый үзидарә рәисләре дә читтә калмады.
4 нче ТОС рәисе Нурия Хаҗипова 3 нче мәктәптә урнашкан сайлау участогына иң беренчеләрдән булып килгән иде.
– Безнең буын тимерне кызуында сугып, эшен тиз арада башкарырга күнеккән. Елдагыча, иртә белән килеп, үземнең гражданлык бурычымны үтәдем. Туган җиребезнең алга таба да чәчәк атуы өчен, балаларыбыз, оныкларыбызның матур киләчәге өчен тавыш бирдем, – ди ул.
