Мәндәй авылында ислам диненең иң зур бәйрәмнәренең берсе – Мәүлид кичәсе билгеләп үтелде.
Авылыбыз имам-хатыйбы Насих хәзрәт әлеге бәйрәмне уздыру тарихына тукталып үтте, барыбыз бергә салаватлар әйттек, догалар кылдык.
Мәүлид кичәсе мулдан әзерләнгән чәй табыны артында дәвам итте. Бәйрәмне оештыручы Насих хәрәтебезгә, Илгизә абыстаебызга, хуҗалык җитәкчесе Рафаэль Шәфыйгуллинга, бухгалтерия кызларына, күчтәнәчләре белән килгән авылдашларыбызга бик зур рәхмәтлебез. Аллаһы Тәгалә әҗер савапларын үзегезгә меңе белән кайтарсын, дип яза Мәндәй авылыннан Елена Уразмәтова.
